Nørrebromi inuusuttut 63-it tigusarineqartut

Nørrebromi inuusuttut ornittagaat ingutserneqarsimasoq, Ungdomshuset pillugu

Unnuaq Nørrebromi akunnerpaalunni eqqissiviilliortoqarpoq.

Eqqissiviilliortoqarneranut atatillugu akerliussutsimik takutitsisut ilaat 63-it politiinit tigusarineqarsimapput.

Eqqissiviilliornerup kingunerisaanik Nørrebro ullumikkut sorsuffittut isikkoqartoq politikken taama allappoq.

Nørrebro ikuallanneqarsimavoq, pisiniarfiit Dronning Louisip ikaartarfiaanit Nørrebro Runddelip tungaanut amerlanerpaartaat aserorteriffigineqarsimallutillu ujajaaffigineqarsimapput.

Politiit aporaattoqarnissaa ilimagisimavaat,

Sakkortungaatsiartumilli aporaattoqarnissaa politiit naatsorsuutigisimanngilaat, Nøørebromi politiit pisortaat Per Larsen oqarpoq.

Eqqissiviilliortunit 63-iusunit politiinit tigusarineqartut akornanni taamallaat pingasut eqqartuussivimmut sassartinneqarumaarput, tigummigallassanngortinneqarnerannut tunngatillugu eqqartuussuviit qullerpartaanit erseqqissaatigineqarsimavoq uppernarsaatinik pissarseqqaarluni eqqartuussivimmut tunniussisoqarsinnaasoq, Rithaus Bureau taama allaaserisaqarpoq.