Tasiilaq Tasiilamiut timigissartarfiat nutarterneqarpoq

Timigissartarfik pioreersoq inimi allermi nutarterneqarpoq, inimik nukkassarfiusumik peqalerluni, soorlu aamma arpaffissamik saunartarfissamillu peqalersoq.

Cafeteriaasimasoq inimi qullermiittoq atorunnaarsinneqarpoq, timigissartarfinngortinneqarluni, iputtuusaarutit, sikkilit, crosstrainerillu tassani sungiusaatigineqarsinnaalerlutik.

- Tasiilamiunut tamanut peqqinnarnerusumik inuuniarnissaq ajornaallisarusupparput periarfissaatikkusullugulu. Fitnessertarfiup innuttaasunut timersornermi aaqqissuussanut peqataaneq ajortunut atorneqarsinnaanissaa siunertarineqarpoq, Daniel Kâjangmat Lyberth, Kommuneqarfik Sermersuup Tasiilami Peqqinnermut Susassaqartitsinermullu Immikkoortortaqarfiani aqutsisuugallartoq, oqarpoq.

Timigissartarfiullu nutarterneqarnerata Tasiilami peqatigiiffinnut iluaqutaanissaa naatsorsuutigaa:

- Fitnessertarfittaaq peqatigiiffinnut aamma iluaqutaassaaq. Sungiusartarnikkut imminullu unammisarnikkut peqatigiiffinni ataqatigiinnermik pilersitseqataasinnaavoq. Fitnessertarfiup innuttaasunik nuannaartunik peqqissunillu ataatsimoorfiulernissaa qilanaaraarput, Daniel Kâjangmat Lyberth oqarpoq.