Nyoongarit nunaminertamik tunineqarput
Allattoq Mads Lynge
Australiami nunap inuiisa ilaat Nyoongar-imik taaneqartartut, illoqarfiup Perth-ip eqqaani nunaminertamik tunineqarput.
Australiami eqqartuussisut taama aalajangerut, aviisi Independent allappoq.
Nunaminertaq 6000 kvadratkilometerisut annertutigisoq, Australiap kippasinnerusortaani nunap immikkoortuani Western Australiamiippoq, tassani illoqarfiit pingaarnersaat Perth-ip ungataaniilluni.
Eqqartuussiviup aalajangiineratigut Nyoongar-it nunaminertamut taassumunnga attaveqarnertik naqissuserpaat.
Nyoongar-it nunaminertami tassani aalisarsinnaalerlutillu piniarsinnaatitaalerput.