Isiginnaartitsisarfimmi pisortanngortussap nunatsinni isiginnaartitsisarnerup nukittorsarneqarnissaa sulissutiginiarpaa
Taamaatorli pisortanngortussap Susanne Andreassenip nammineq kajumissutsiminnik isiginnaartitsisarnerup nukittorsarneqarnissaa pingaartinneqarnissaalu sulissutiginiarlugu oqarpoq, aamma kalaallit isiginnaartitsisarnerisa ineriartortinneqarnissaa kusanartunik torrattunillu isiginnaartitsissusiortarnissaq sulissutiginiarlugu neriorsuivoq.
Tamassuma sulissutigineqarnerata ingerlateqqinneqarnissaa eqqarsaatigaara. Nammineq kajumissutsimik isiginnaartitsisarnerup Kalaallit Nunaanni nukittorsarneqarnissaa aamma isiginnaartitsisarnermik pisinnaasat eqqarssaatigalugit, Susanne Andreassen oqarpoq.
Susanne Andreasen 37-nik ukioqartoq, isiginnaagassialiornermi dramaturgimik Bachelor of Arts Århusip universititiani ilinniarsimasuuvoq.
Kulturikkut aaqqissuussanik assigiinngitsunik isiginnaartitsinertalinnillu suliaqartarsimavoq, ilaatigut Kulturikkut illorsuani Katuami.
Susanne Andreassen Nunatta Isiginnaartitsisarfiani pisortatut sulileruni pingaartitaminik marlunnik suliaqarniarpoq. Nammineq kajumissutsimik isiginnaartitsisarnermik pimoorussinissaq aallunniarpaa namminerlu piumassutsiminnik isiginnaartitsisartut suleqartigiit assigiinngitsut atorlugit peqataatilersinniarpai.
Taakkua saniatigut Nunatta isiginnaartitsisarfiani isiginnaartitsissusianik torrallatanik suliaqarnissaq pingaartinniarpaa.
- Nunatta isiginnaartitsinermik ilinniarfiata ineriartortinneqarnissaanut Nunatta isiginnaartitsisarfiani pisortaq Svenn Syrin suliniuteqarsimavoq tamannalu Susanne Andrassenip atorluarniarpaa.
- Nunatta isiginnaartitsinermik ilinniarfianik pilersitsisoqareernermi isiginnaartitsisartunik peqalerpugut taakkualu atorluarneqarnissaannut tunngavissaqalerpugut isiginnaartitsissussianillu torrallatanik suliaqarsinnaalerluta, Susanne Andreassen taama oqarpoq.
Sven Syrin Nunatta Isiginnaartitsisarfiani pisortatut sulinera 31 januar unissaaq Susanne Andreassen 1 januar pisortatut sulilissaalluni.
