Atassutip siulittaasortaava suliassaqangaatsiarpoq
Atassut ataannaniarluni ilungersorpoq. Partiip nuannarineqarnera 2009-mili milliartuinnavissimavoq, Sermitsiallu inuit isumaannik kingullermik misissuinera naapertorlugu Atassut Inatsisartuni ataasiinnarmik ilaasortaatitaqalissaaq.
Siverth K. Heilmaann Atassutip siulittaasortaavatut sapaatip akunnerata naanerani qinerneqarpoq, taassumalu qinersisartut uterteqqinnissaat pingaarnertut suliniutiginiarpaa.
- Siulittaasutut suliassaq annerpaaq tassaavoq Atassutip avissaartuunnera aammalu ikiliartuinnarnera qummut saateqqissallugu qinersisartut Atassutip politikkiarni pitsassuarmik upperinnilerseqqissallugit.
Atassutip siulittaasortaava Siverth K. Heilmann taama oqarpoq.
Siornatigut politiiusimasoq maanna Atassummi misilittagartuuni kiserngorulluinnalerpoq. Siverth K. Heillmann Maniitsumi borgermesteriunikuuvoq.
Aamma Nalakkersuisuni ilasortaasarpoq.
Partiip anguniagai qinersisartunut ersarinnerulissapput
2014-imi qinersisoqarmat Siverth K. Heilmann 256-init qinerneqarpoq, siulittaasussimasoq Knud Kristiansen aamma Mala Høy Kuko kisimik qinerneqarnerusimallutik.
Siverth K. Heilmann inuussutissarsiutinut politikki eqqarsaatigalugu politikkikkut ammanerusumik ingerlatseriaaseq, tassa liberalitut, aallunniarpaa:
-Kommunimut qinersinissaq aanamineerarsuaq taavalu aamma inatsisartuni tullissaanut qinersinissami neriuutigaara suleqatigiilluarnitsigut Atassutip qinersisartuinik amerlanerusunik tatigineqarluta qinerneqartalerumaartugut, Siverth K. Heilmann taama oqarpoq.
Sapaatiummat Atassutip siulittaasussaanik qinersisoqarmat 63-nik ukiulik Siverth K. Heilmann 32-nik ukiulimmiit Qulutannguaq Berthelsenimit qinerneqarneruvoq. Qinigaasup neriuutigaa avissaartuunnerit unitsissinnaassallugit, qinersisinilu tatiginnilerseqqissinnaassallugit.
AAMMA ATUARUK Atassut februaarimi nutaamik siulittaasortaassaaq
- Atassutip politikkia inuutissarsiornikkut aalisarnikkut suliffissanik ataavartunik pilersitsiniarnermik ersarissorujussuarmik oqariartuutigissavarput taannaavoq tamaviaarutigisariagarput.
Atassup siulittaasortaava Siverth K. Heilmann Ivik Kristiansenimut taama oqarpoq.
AAMMA ATUARUK Atassutip kinguariartornera ingerlaqqittoq