Ny Alliance piumasaqarpoq
Danmarkimi naalakkersuisut nunasisut pillugit Dansk Folkepartiimik isumaqatigiissutaat, pitsaanerusumik taarserneqanngippat, Ny Alliancep taaseqataaffiginavianngilaa.
Allattoq Elisa Isaksen
Tamanna Ny Alliancep siulittaasuata Naser Khaderip TV-Aviisimi apersorneqarluni aalajangiusimavaa.
- Tapersersuissagutta annerusumik pissarsisariaqarpugut, Khader oqarpoq aamma naalakkersuisut Dansk Folkepartiilu isumaqatigiissumminni amerlanerussuteqanngimmata eqqaassitsissutigalugu.
- Ny Alliancep pingaartitaraa nunasiniarlutik qinnuteqartut, nunasiniartunut inissiisarfinniit nuutsinneqarnissaannik periarfissiinnarnagit sulilersinneqartariaqartut, Naser Khader oqarpoq.