Ny Alliance eqqissititsivoq

Danmarkimut nunasiniartut pillugit taasisitsinermi naalakkersuisut ikinnerussuteqalernissaat Naser Khaderip Ny Alliancillu ippassaq pinngitsoortippaat, nassueruteqarnissarlu isumaqatigiinniarnissani aggersuni taamaalilluni pisussanngorpoq.
januaarip 24-at 2008 07:04

Nunasiniartut pillugit politikkip allannguuteqarnissaanik ministeriunerup Anders Fogh Rasmussenip Naser Khader neriorsuisinngikkaluarlugu partiini talerpillerni qinerseqataatippaa, nunasiniartulli pillugit nutaamik isumaqatigiinniartoqarnissaanik Naser Khader neriorsuisinneqarpoq.

Illuatungiliuttut amerlanerussuteqalernissaat taamaalilluni pinngitsoorpoq, kalaallit Folketingimut ilaasortaatitaat, Lars-Emil Johansen, Siumut, aamma Juliane Henningsen, Inuit Ataqatigiit, tassani aamma akupput.

- Naalakkersuisut Dansk Folkepartilu neriuutigisatsitut tungitsinnut illuarusunngippata – paasisariaqarparput naalakkersuisut politikkiminnut amerlanerussuteqanngitsut, tamannalu allatut ajornartumik malitseqartariaqarpoq. Pisoq pillugu qinersinissamut piareersimavugut, Naser Khader allappoq.

Pia Kjærsgaardip Dansk Folkepartimeersup Naser Khaderip qinersinissamik sioorasaarutaa quianaannartutut nalilerpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq