Nuussuup atuarfiani atuartut peqqinnissaq pillugu sammisaqarput
Timersuutit allakkajaat, tuttup neqaa atorlugu pizzaliorneq, nunap paarnaasa pilutaanik tiiliorneq, qasujaallisarneq timillu pisinnaasaanik sammisaqarneq, tamakkuupput Nuummi Nuussuup atuarfiani atuartut 448-t ilinniartitsisullu 52-it ukiumoortumik arpannginnermi ulluni sisamani sammisaasa ilaat.
Allattoq Oline I. Olsen
septembarip 13-at 2007 09:15
Nuussuup atuarfiani siullerpaamik misiliillutik atuartunik peqqinnissaq pillugu sapaatip akunnera sammisaqartitsipput.
-Upernaarli ilinniartitsisut peqqinnissaq pillugu sammisaqartitsinissamut piareersaasiulerput, Nuussuup atuarfini ningiu Jenni Kleist Lyberth oqarpoq.
-Peqqinnissaq pillugu sammisaqartitsinermi atuartitsinerit naliginnaasut qimalaarlugit atuartut assigiinngitsunik sammisaqarnerat nuanneqaaq, Jenni Kleist Lyberth oqarpoq.
Sammisaqarnermi atortut pisariaqartinneqartut SSSPK, pinaveersaartitsineq pillugu suleqatigiit aqqutigalugu aningaasalersorneqarput.
Aqagu Nuummi Nuussuup atuarfiani atuartut ukiumoortumik arpassapput.
