Nuussuarmi savimmik kapisisoqartoq: Arnaq 32-nik ukiulik tigusarineqarpoq
Angut 50-it missaanik ukioqartoq Nuup ilaani Nuussuarmi tallimangornermi unnukkut savimmik kapineqarpoq. Angut inuunerminik ulorianartorsiunngitsoq, politiit taama paasissutissiipput.
Angut tallimanngornermi unnukkut savimmik kapineqartoq inuunerminik ulorianartorsiunngitsoq politiit paasissutissiipput
Allattoq Jaaku Lyberth, Ann-Sophie Greve Møller
februaarip 04-at 2023 13:19
Angut 50-it missaanik ukioqartoq Nuup ilaani Nuussuarmi tallimanngornermi unnukkut savimmik kapineqarpoq.
Kalaalllit Nunaani politiit taama paasissutissiipput.
Nuussuarmi savimmik kapisisoqarsimaneranik politiit tallimanngornermi unnukkut qulinut nalunaarfigineqarput.
Arnap 32-nik ukiullip angut 50-it missaannik ukioqartoq niaquatigut savimmik kapisimavaa.
Angut inuunerminik ulorianartorsiunngitsoq Kalaallit Nunaanni politiini pigaartut pisortaat Preben Kleist taama paasissutissiivoq.
Arnaq savimmik kapisisoq politiinit tigusarineqarpoq, kingusinnerusukkullu killisiorneqassaaq, tigummigallarneqaannassanersoq iperagaassanerluunniit aalajangiiffigineqassalluni.
