Nuussuarmi aqqusineq matuneqartoq eqqissiviilliortoqarnera peqqutigalugu
Nuup illoqarfittut immikkoortuani angerlarsimaffimmi sakkortuumik eqqiissiivilliortoqarnera Nunatsinni politiinut ullaaq nalunaaqutaq arfinermut tanneq qulingiluanut kalerriutigineqarpoq.
Pisumi inunnik ajoqusertoqarsimanngitsoq nunatsini politiit pigaartuinut pisortaq Jens Rønberg ilisimatitsivoq.
Politiinut nammineerluni imminut tunniuppoq
- Kisianni angerlarsimaffimmi tassani aallaaseqartoqarnera kalerriutigineqarmat sillimaniarneq pissutigalugu politiit ulorianartoqartillugu immikkut upalungaarsimatitaannit suliaq naammassineqarpoq.
Politiit pigaartuinut pisortaq Jens Rønberg allappoq.
Angerlarsimaffimmi eqqissiviilliorfiusumi aallaaseqartoqarnera kalerriutigineqarmat aqqusernit angerlarsimaffiup eqqaaniittut matoqanerallarput.
Angerlarsimaffimmilu eqqissiviilliortitsisoq politiinut nammineerluni imminnut nalunaaqutaq arfineq pingasunut tanneq qulingiluat tunniummat annerusumik eqqissiviilliornertaqanngitsumik tigusarineqarpoq, aqqusernillu ammaqqinneqarlutik.