Nuup silaannaa mingutsinneqarpallaarpoq
Kommuneqarfik Sermersuumi ilaasortaq Ane Mathæussen(S), ukiut arlalinngortut qaangiuttut Nuummi biilit mingutsitsinerannik kommunalbestyrelsimi oqaluuserisaqartitsisimasoq siulliulluni ima oqarpoq:
- Angalaartilluta Nuuk avataaniit isigitillugu silagittumi iseriattuinnaasarpoq, tassa biilit pujuinit. Taamaattumik biilertut uninngatillutik biilitik unitsittassagaat pingaartorujussuuvoq. Aamma pisariaqartinnagu biilit atornaveersaartariaqarput, Ane Egede Mathæussen oqarpoq.
Kristian Piivaat, Tasiilameersoq eqqakkat pillugit oqarpoq:
- Soorlu Nuummi eqqakkanut ikuallaaveqarnera ikuallaanikkut kiaap pilersinneqartup atorluarneqarnera usornarpoq. Illoqarfinni allani aamma taamaaliortoqarsinnaagaluarpoq. Aamma illuinnaat solaarimik qularnanngitsumik mingutsitseqataapput.
Nunatsinni maangaannaq eqqaanersuarput aamma mingutsitseqqataavoq. Asiartarfinni aamma maangaannaq eqqaasoqartarnera mingutsitsinermut peqataavoq, Kristian Piivaat oqarpoq.
