Nuup ilarujussua sarfaaruteqqippoq
Sisamanngornerup ullaassaani Nuuk sarfaaruteqqippoq.
Allattoq Alice Sørensen
Erngup nukinganik innaallagissiorfik ajutooqqimmat sisamanngornerup ullaassaani illoqarfiup pingajorarterutaa kisimi Dieselitortumik innaallagialersorneqarpoq.
Sullissiviit pingaarutillit tamarmik ikumapput attaveqaatillu atorsinnaallutik.
-Pisiniarfiit anginerit Nuummi Nuussuarmilu, politiit, Arktisk kommando, qatserisarfik, utoqqaat angerlarsimaffiat nuummiittoq, umiarsualivik Sikuki, Nuuk Centerilu maanna innaallagiamik pilersorneqarput. Atuisut sinnerisa innaallagiaqalernissaat erngertumik sulissutigineqartoq Nukissiorfiit nalunaarput.