Nuup Eqqumiitsulianik katersugaasiviani saqqummersitsineq nutaaq
Birgit Langborgip, Ilulissat Eqqumiitsulianik katersugaasiviani saqqummersitseqqammersup Kalaallit Nunaata pinngortitaa, nunatsinni angalasarnerpassuamini misigisaqarfigisimasani alutorilluinnarpaa. Kujataanit Nanortalimmit Qaqortumiillu, Nuummut Maniitsumullu, avannaanilu Sisimiuni Ilulissanilu. Qaqqat, siku, ilulissat qaamanerlu eqqumiitsuliortup tiguartiffigisimavai. Tamatumalu inerneri Nuup Eqqumiitsulianik katersugaasiviani tallimanngorpat ammaanersiortoqarnerani takuneqarsinnaapput.
Eqqumiitsuliortut ullormi ammaanersiorfimmi katersugaasivimmiissaapput, birgit Langborg aamma sapaatit akunnerata naanerani Nuup Eqqumiitsulianik katersugaasivianiissaaq, soqutiginnittullu eqqumiitsuliortoq oqaloqatigisinnaavaat immaqalu pisinnginnerminni eqqumiitsuliortup qalipagai paasisaqarfigalugit.