TELE-POST Nuup eqqaani attaveqaatit kipisaqattaartassapput
Nuummi, Kapisilinni Qeqertarsuatsiaanilu attaveqaatit marlunngornerup unnuaani aqagulu ullaakkut attaveeruttarsinnaassapput.
TELE-POST Nuup eqqaani atortunik pitsanngorsaassaaq.
TELE-POST tusagassiuutinut taama nalunaaruteqarpoq.
Tamannalu atuisut ilaannut kinguneqassaaq, tassami Nuummi, Kapisilinni Qeqertarsuatsiaanilu attaveqaatit marlunngornerup unnuaani aqagulu ullaakkut attaveeruttarsinnaassapput.
Attaveqaatit piffissami tassani akunneq ataaseq sinnerluguluunniit kipisaqattaartassasut, TELE-POST allappoq.
Oqarasuaatit angallattakkat 3-G-t 4-G-llu eqqugaassapput, oqaluussiniaraannili 2-G atorneqarsinnaavoq datanullu GPRS-i atorneqarsinnaalluni.
Oqarasuaatit attaveerukkallarnissaat Tele-Postip ajuusaarutigaa.