Nuup annersaa sarfaaruttoq: Radiomi nipaanneq
Nuummi Nuullu ilaani Qinngorpumi innaallagissap aqqutaanik ajutoortoqarnera peqqutaallunni ullumikkut decemberip ulluisa 28.-anni nalunaaqutaq ualimut sisamat tungaanut innaallagiaqanngikkallarnissaa Nukissiorfimmiut nittartakkaminnut facebookkikkullu taama nalunaarput.
Innaallagiaarukkallarneq KNR-mit aamma malugineqarpoq, piffissamimi ajutoortaqaqqanerani radiokkut aallakaatitsiniarneq ilanngullugu kalluarneqarpoq. Tamannalu teknikkerit piaartumik aaqqinniarlugu sulissutigaat.
Innuttaasut sarfamik atuisinnaaleqqinnissaat sulissutigineqartoq Nukissiorfimmiut nalunaarput. Sumiiffiit ilaanni nalunaaqutaq sisamat tungaanut innaallagiaqanngikkallarsinnaanera Nukissiorfimmiut ilannglllugu allapput.
Nalunaaqutaq 14:28 nutarterneqarpoq:
Qamittoortoqarneranut atatillugu Kalaallit Nunaanni Politiit aamma eqqugaallutik nalunaaruteqarput. Nalinginnaasumik oqarasuaataat 701448 qamittoornermit aallaavilimmik aamma kalluarneqartoq tusagassiuutinut nalunaarput. Oqarasuaat 70 14 48 ajussappat 56 71 20-kkut attavigineqarsinnaallutik nalunaarput.
Ullumikkut Nuummi politiit pisarnermit amerlanerusut sullipput. Pilertortumik politeeqarfimmut saaffigittittoqarsinnaanera ilanngullugu Kalaallit Nunaanni Politiit nalunaarutigaat.
Nalunaaqutaq 16:06 nutarterneqarpoq:
Oqarasuaatitigut internettikkullu attaviit inorsalernissaat pinaveersaarniarlugu oqarasuaammik internettimillu pisariaqanngitsumik atuinnginnissaq TUSASS-ip inassutigaa.
Attaveqaatimmi upalungaarsimanermut ataqatigiiissaarinermullu atorneqarsinnaasussaapput.
