Nuussinissaq Nunatsinnut neriorsuummik aarlerinaateqarpoq
Geodatastyrelsep Aalborgimut nuunnissaanik Danmarkimi naalakkersuisut aalajangernerat, Namminersorlutik oqartussanut isumaqatigiissuteqarneranik ulorianartorsiortitsilerpoq.
Nunatta sineriaani inunnut angalasunut isumannaallisaanermi isumaqatigiissummik 2018 tikitsinnagu immap assinganik sananissamik Danmark pisussaaffeqarpoq.
Annaassiniarnermi, inuilluunnit inuunerannik naleqarsinnaasunik umiarsuarni ajutoornerit, pinngortitamullu mingutitsisinnaasunik pinngitsoortitsinissaq, Isumaqatigiissutip siunertaraa.
Aamma atuaruk Nunarput nutaamik nunap assiliorneqassaaq
Aalborgimut nuukkusunngillat
Geodatastyrelsellu nuutinneqarnerani suliaq akornuserneqassaaq, nunatsinnummi isumaqatigiissutip malinneqarnissaanut immikkut ilisimasallit atorfillit naalakkersuisut annaasinnaagaat aarlerinaateqarmat.
Tamanna Naalakkersuisut suliffinnik nussuinissamik pilersaarutaannit kingunerisinnaasatut allattugaataannit, Politikkenip pigilersimasaani takuneqarsinnaavoq.
Suliassat pingaarutillik qiusullu aaqqiiviginissaanut danmarkimi naalakkersuisut ilunngersuuteqalissaaq. "Ilaatigut Kalaallit Nunaanni nalaakkersuisunut politikkikkut isumaqatigiissutinut tunngasunik.... tamakkumi pilersaarutaasut annertuut", Geodatastyrelsemik Politikkenip misissueqqissaarnerannit takuneqarsinnaapput.
Siunissamilu suliassat sivisunerusumik suliarineqartalernissaat Geodatastyrelsemiit aamma aarlerisaarutigineqarpoq.