Nuummut hashimik eqqusseriat tigusarineqartut
Angutit marluk arnallu marluk hashimik aqajarormioqarnermik pasineqarlutik tigusarineqarput, isertitsivimmilu unnuisinneqarlutik, ikiaroornartulerisut aqutsisuat Finn Jeppesen oqaluttuarpoq.
Perusuersareernerisigut paasineqarpoq hashi kiilup aappa avillugu anngiortumik eqqunniarsimagaat.
Angut 49-nik ukiulik hashimik 584 grammimik anngiortumik eqqusseriarsimasutut unnerluutigineqarpoq, pineqaatissinneqarsimasunullu inissiisarfianniittussatut pineqaatissinneqarnissi ilimagissavaa.
Angut 39-nik ukiulik 470 grammimik iisisimasoq, arnaq 41-nik ukiulik 120 grammimik naamioqartoq arnallu 39-nik ukiulik 214 gramimik iisisimasoq, tamarmik akiliisitaasussaassapput immaqalu piumasaqaatitalimmik pineqaatissinneqarlutik, Finn Jeppesen oqarpoq.