Nuummioq pissartanngorpoq
Sisorarluni Sloap-stylernermi tinngallattoqartarpoq, silaannarmilu assigiinngitsunik uleqattaartoqartarluni, tamakkulu qanoq ingerlanneqarnersut naapertorlugit pointiliisoqartarluni.
Hans-Jakob Brandt Olsen ukiut pingajussaannik peqataanermini immikkorluinnaq takutitsivoq, qallunaat kalaallillu peqataaqatini kingumut ajugaaffigalugit.
Freestylemik unammisoqartalermalli ukiut pingajussaa tulleriissiinnarlugit aatsaat ajugaasoqarpoq.
Peqataarngaartoq Malik Berthelsen aamma angusilluarpoq, normu 5-inngorami, taamalu angusarissaartiginissani nammineq aamma kissaatigisimavaa.
Freestylerluni DM-eqarneq Frankrigimi Alpini Tignesimi ingerlanneqarpoq.