"Nuummioq" Nuummi TV-kkut takutinneqassaaq

Nunatsinni aliikkutassiatut filmiliarineqartoq siulleq "Nuummioq" Nuummi tv-kkut isiginnaartartut, poorskikkunni sofamut ingilluartitaarlutik isiginnaarsinnaassavaat.
Allattoq Elisa Isaksen
apriilip 20-at 2011 09:43

Filmi nunani tamalaani filmfestivalini arlalinni takutinneqartareersoq Nuuk tv-p, tv-qarfinni siullersaalluni takutissavaa.

Tamatumunnga peqatigitillugu Nuuk tv-p "Nuummiup" filmiliarineqarnera pillugu filmi piviusulersaarut "En film uden kajakker" takuteqqaassavaa.

Sverigemeersup Andreas Rydbackenip piviusulersaarutinik filmiliortartuusup, filmi "Nuummioq" isumassarsiarineqarneraniit 2009-mi novembarip aallaqqaataanni Katuami takuteqaarneqarneranut pisut malinnaaffigai. Sulineq ukiut pingasut missaannik sivisussuseqartoq, tamatumanilu filmiliornermi ilitsersuisut Torben Bech aamma Otto Rosing kiisalu filmiliornermi aaqqissueqataasoq Mikisoq H. Lynge qanimut malinnaaffigineqarput.

Filmi piviusulersaarut marlunnik immikkoortoqarpoq, aamma "Nuummioq" assigalugu poorskikkunni ullut tamaasa unnukut arfineq marluniit aallakaatinneqartassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq