Nuummioq Hollywoodimit nersualaarneqarpoq

Nuummioq, USA-mi Sundance Filmfestivalimi arfininngormat takutinneqareersorlu pitsaasumik kingumut allaaserineqarpoq. Svenskip ilitsersuisartup Ingmar Bergmannip, filmiliaanut atuagassiap Hollywood Reporterip assersuuppaa, filmimilu pingaarnertut inuttaasoq, Lars Rosing, filmiliaritittartumut tusaamasarsuarmut, Russel Crowemut, assingutillugu.

Nuummioq arfininngormat takutinneqqaarmat filmit pillugit allaaserinnittartumit, Varietymit, aqaguani nersualaarneqariikatappoq. Varietymi allaaserinnittup qularutiginngivippaa Nummioq nunarsuaq tamakkerlugu filmfestivalini tamani peqataasarsinnaajumaartoq, Kalaallit Nunaanni filmiliarineqarnera pissutigalugu.

Filmi Nuummioq, filmit nunanit tamaneersut allat 16-it peqatigalugit, akissarsisinneqartussanut Sundance Filmfestivalimi piukkunneqarpoq.