Nuummi ujajaasoqarneranut takunnissimasunik politiit ujarlerput
Nuup ilaani Nuussuarmi Pisiffiup Narsaviallu akornanni sapaatip ullaassaani nalunaaqutaq pingasut missaani ujajaaniartoqarsimasoq Nuummi Politiit nalunaarfigineqarput.
Allattoq Mette Nørmark, Ane-Marie Petersen
Nuup ilaani Nuussuarmi Pisiffiup Narsaviallu akornanni sapaatip ullaassaani nalunaaqutaq pingasut missaani ujajaaniartoqarsimasoq Nuummi Politiit nalunaarfigineqarput.
Tassungalu atatillugu takunnissimasinnaasunik Politiit tusarusuipput.
Tillinniaq saassussereerluni sumiiffimmiit qimaasup uku ilisarnaartigai:
- Angut
- 170 cm. takissusilik
- Qernertumik nasaqarluni kiinappalik. Qernertumik kavaajalik, qasertunik qarlilik taavalu tungujortunik qasertortalinnik Salomoninik meqqilinnik kamilik.00:00:52
Takusaqarsimaguit tusagaqarsimaguilluunniit Nuummi Politiit oqarasuaammut 701448-mut attaveqarfigikkit.