Politiit ullormut nalunaarutaat: Nuummi tillinniaqattaarnerpassuit Uummannamilu annaassiniarneq

Kalaallit Nunaanni politiit Nuummi tillinniartunik unnuaq pisumi takunnissimasunik ujaasipput. Tillinniarneq siulleq meeqqerivimmut Sulunnguamut nalunaqutaq 03:04 nalunaarutigineqarpoq. Taama Kalaallit Nunaanni politiit politikommissæria Jørgen Madsen oqarpoq.

- Aningaasat ikitsuinnaat kortillu akiliissutit matunikut tillinneqarput, taanna oqarpoq.

Politiit misissuipput.

Akunnerit marlungajalluinnaat qaangiummata allamittaaq tillinniartoqarpoq. Tillinniarneq Centrum grillimi pivoq, nalunaaqutaq 04:49 nalunaarutigineqartoq. Tassanili maannamut takusinnaasaat malillugit tillitaqartoqarsimarpasinngilaq.

Tillinniarnerit taakku marluk pillugit takunnissimasunik tusagaqarsimasunilluunniit politiit tusarfiginnikkusupput.

Nuummi sapaatip-akunnerani uani tillinniaqattaarnerni taakku kingulliupput.

- Tillinniaqattaartorpassuanngoqqapput. Biilit matuinik matunillu ilai ammaasinnaasut paasivagut taamaammat matunik parnaarsinissaq eqqaamaneqartassaaq, Jørgen Madsen oqarpoq.

Uummannami annaassiniarneq

Uummannami qamuteralaat sikukkoortillutik imaanut nakkarsimassangatinneqartut sismanngornermi unnukkut nalunaaqutaq 20:30 nalunaarutigineqarpoq.  

- Maannamut Uummannami nunaqarfiillu eqqaaniittunit inunnik maqaasisaqartoqanngilaq. Inummik inunnilluunniit arlalinnik maqaasisaqartoqarsimappat, takunnissimasinnaasunilluunniit tusarfigerusuppavut,  Jørgen Madsen oqarpoq.

Suliaq suli misissorneqarpoq. Politiit attavigineqarsinnaapput oqarasuaammut +299 701448.