Nuummi qamittoornerup kingornatigut naartusut amerlisut
Dronning Ingridip Napparsimmavissuani ernisarfiup naatsorsuutigaa aggustimi naalungiarsuppassuaqalissasoq.
Imaassinnaavorlu Nuummi qamittoornersuup tamanna kingunerigaa.
Siorna novembarip naanerani decembarillu aallartinnerani illoqarfiit pingaarnersaat taarsivoq. Utoqqarmiut Kangerluarsunnguanni erngup nukinganik nukissiorfiup Nuullu akornanni Nukissiorfiit kaabelersuaatitik ajornartorsiutigigaat.
Qamittoorneq siulleq nalunaaquttap akunnerinik 18-inik sivisussuseqarpoq.
Nuummi annertuumik qamittoorneq
24. novembari Utoqqarmiut Kangerluarsunnguani erngup nukissiorfimmiit Nuummut kaabeli innaallagissamik piolersuisoq kittorarpoq. Nuummiut tamanna malugaat nalunaaqutaq 9.13 sarfaarukkamik. Taava uneqattaartumik sarfaneqqittaraluarpoq, nalunaaquttallu akunneri 18 qaangiummata sarfneqqippoq, ilaannakortumilli.
Udover Nukissiorfiit kaabelimik Utpqqarmiut Kangerluarsunnguata Nuullu akornanni unammilligassaqarnerata saniatigut aamma illoqarfimmi innaallagissamik pilersuisoqarfik ikiuutaasumik innaallagissiorfimmik ajornartorsiorpoq.
Tassami ikiuutaasumik innaallagissorfik aallartinniaasaarusaarami, kingornatigullu Nukissiorfiit kaabeli aserorsimasoq iluarsallugu aallartipput.
Aatsaat decembarip 3-ani Nuuk tamakkiisumik imermik nukissiorfimmit innaallagiaqaqqilerpoq.
Aininaq Willesen, Kalaallit Nunaanni Peqqinnissaqarfimmi juumuunut pisortaagallartoq juumuujugallartoq eqqoriaasinnaanerarpoq qamittooqqanermi nuummiut sulerisarsimanerannik.
Aviisimut Sermitsiamut oqarpoq januaarimi sapaatip akunnerisa aappaannit ullut pingasuinnaat ingerlaneranni juumuut Nuummi naartusunik 19-inik nalunaarsuisut, amerliartuinnarlutillu.
- Nuummi januaarimi ernisussat nalunaarsorneqartarneranni 20-nit 25-nut nalinginnaasuusarpoq, kisianni ukioq maanna 35-nit 40-nut amerlassuseqarput, taamaammat illoqarfiup qaminnganerani sammisaqartoqarsimassasoq oqaatigisinnaavara, Aininaq Willesen Sermitsiamut oqarpoq.
Juumuunut pisortaagallartup aamma uninngasunut allattaavinni aviisi qupperaassuussimavaa.
Tassani misilittakkatut aalajangerpaa aggustimi septembarimilu tuttunniarfiup kingornatigut qaammatit qulingiluat qaangiukkangata inunngortut amerligajuttartut. :
- Ukiut tamaasa apriilimi maajimilu inunngortut amerlanerulaartarnerat malugiuaannarparput. Tamanna piffissap piniarfiusup kinguneranik pisarnera naatsorsuutigaara, tassani amerlasuut qaqqamiittarput – taavalu piniariarnermi iluatsitsineq tupermi imaluunniit angallammi qularnanngisumik nalliuttorsiutigineqartarsimassaaq, Aininaq Willesen Sermitsiamut oqaatsiminik nangitsivoq.
