Naak issikkaluaqisoq KNR-ip sarfaliuutaa kiassaateqarmat aallartilluarpoq .

Sarfaliuutaasartorli sarfalersuisussanngomat ajornartorsiuteqartoq paasinarsivoq. Nukissiorfiit nalunaarutiginikuusaattut Nuup ilaa suli tamakkiisuunngikkaluamik sarfaqarpoq. Taamaattoqarnerani KNR-p illorsua Issortarfimmut 1-miittoq tamakkiisuunngikkaluamik sarfalersorneqarpoq; KNR systemiisa ingerlanissaannut naammanngitsumik. Ilaannakortumik sarfaqarneq patsisaalluni KNR-ip sarfaliuutaa sarfalersuilluni aallartinnginneranik kinguneqarpoq; sarfaarutivissimasuuppat sarfalersuilersimassagaluartoq. Taamaattoqarnerani attaveqaatit ajutoorput radiolu qamilluni. 

Radio nal. 12:50 tungaanut qaminngavoq, ikeqqimmallu teknikkikkut ajutooqqasoqarneranik tusarnaartartut ilisimatinneqarput nipilersukkanillu aallakaatitsisoqarluni. 

Saffaaruttoortoqarnerani Nukissiorfiit nalunaarutiginikuusaattut Nuup ilaa suli tamakkiisuunngikkaluamik sarfaqarpoq. Taamaattoqarnerani KNR tamakkiisuunngikkaluamik sarfalersorneqarpoq. 

KNR-ip illorsua Issortarfimmut 1-imiittoq sarfaaruttorqarnerani ilaannakortumik sarfalersorneqalermat sarfaaruttoqartillugu sarfaliuutaasartoq Issortarfik 1-miittoq aallartippoq sarfalersuinanili; illorsuaq ilaannakortumik suli sarfalersorneqarnera patsisaalluni. Innaallagialerisut attavigineqarput atortumillu taarsiisoqareermat saffaliuut KNR-ip illorsuanut Issortarfimmut 1-miittumut sarfalersuilerpoq.

Illorsuit marluk

KNR-ip illorsui marluupput. Illorsuup aappaani, Issortarfik 9-miittumi, sarfaaruttorqarneranittaaq illorsuaq ilaannakortumik sarfalersorneqalerpoq, sarfarli illorsuup pisariaqartitaa matussusersinnaanngimmagu serverivut qamipput taamaammallu nalinginnaasumik aallakaatitsisinnaanata. Radioavis marlunut pisussaq naalillugu aallakaatinneqarpoq, tassanilu Nuummi qamittoorneq naatsumik taaneqaannarluni.

Sarfaaruttoqartillugu sarfaliuut Issortarfik 9-miittoq nammineerluni aallartissinnaasimanngilaq; illorsuaq suli innaallagissamik annikikkaluamik pilersorneqarsimammat. Ikinniarsarineranilu paasinarsivoq aallartittaataata batteeria qerisimasoq. Kissasserneqarpoq, nal 14:30 missaani ikilluni taamaalineranilu  attaveqaativut ikeqqipput. Tamatuma kingorna nal. 15.00 missaani radio, TV 1, 2-lu aallarteqqipput nalinginnaasumillu ingerlasinnaaleqqillutik.

Nal. 13:06 Kalaallit Nunaanni Upalungaarsimasut KNR-imi pisut pillugit ilisimatinneqarput nal. 14.00-lu upalungaarsimasut aggersarneqarlutik. Radiomi psiortaq, TV-mi pisortaq aamma Nutaarsiassaqartitsivimmi pisortaagallartoq nal. 14.00, 16.30 aamma nal 19:00 upalungaarsimasuni ataatsimiipput; KNR-ip aallakaatitsisinnaaleqqinnissaa ataqatigiissarneqarluni.

Piffissami aggersumi innaallagissiuutit KNR-imiittut ilisimasallik peqatigalugit naliersornneqassapput; siunissamilu assingusumik pisoqassappat ajornartoortoqannginnissaa anguniarlugu aaqqiissutissanik ujartuisoqassalluni.

KNR-ip sulisuni teknikkimik suliaqartut, inaallagissiuutilerisut aamma Kalaallit Nunaanni Upalungaarsimasut qisuariapallannerannut suliniapallannerannullu qutsavigai.