Nuummi politiit ulapaarsimapput
juulip 31-at 2006 07:29
Nuummi Politiit sapaatip akunnerata naanerani ulapaarsimapput, inuusuttut aalakoortut eqqissiviilliorlutik sakkortuuliorniarsarisut eqqissisartariaqarsimavaat. Politiit ilaat nakuuserfigineqarsimavoq.
Politiit inuusuttunut aqqusinermi kamaattunut arlalinnut orniguttariaqarsimapput.
- Akissarsiffiup naligaa, sapaatip akunneralu naalluni, aasarissuullunilu silagippoq, taamaammat ernguttoqaqimmat suliassaaleqisimanngeqaagut, politiit ittuat, Bent Heiselberg Radioaviisimut oqarpoq.
Inuit sisamat politeeqarfimmi isertitsivimmi unnuisinneqartariaqarsimapput, tamarmilli angerlareerlutik.
Ataatsilli politiimut nakuusersimanini pissutigalugu pineqaatissinneqarnissani naatsorsuutigisinnaavaa.
