Nuummi politiit ujaasipput
Nuummi politiit arfininngormat ualinerani saassutsittumut takunnissimasinnaasunik ikioqqupput.
Angut 53-inik ukiulik arfininngormat ataatsip eqqarigaa Nuussuarmi Sangoriaq 4-p eqqaani saassunneqarpoq pisiaanillu arsaarneqarluni.
Saassussisut angutit marluusut saassussartik tilluariarlugu isimmittariarlugulu qimaasimapput.
Saassussisup siulliup 17-it 18-illu akornanni ukioqassangatinneqarpoq 155 cm-miit 160-cm-imut angissuseqarluni, tungujortoq-qaamasumik nasaqarsimavoq qaamasumillu kavaajaqarluni.
Saassussisup aappaa aamma 17-it 18-llu akornanni ukioqassangatinneqarpoq. 175 cm-it missaani angissuseqarluni taartunik nasaqarsimavoq kavaajaqarlunilu.
Takunnissimasinnaasut Nuummi politiit oqarasuaataanut,
tassa 32 14 48-mut sianersinnaapput.