Nuummi politiit TV-kkut aallakaatitassiarinerat tulliuttoq sisamanngorpat

TV3+-ip aallakaatitassiai sisamat KNR-TV-kkut takutinneqaqattaarput sisamanngornermi aggersumi aallakaatitassiat aappaat takutinneqassalluni. Suliarineqaqqaarnermissut qallunaatuinnaq aallakaatinneqarallarput, kingusinnerusukkulli kalaallisut allagartalersorlugit aallakaatinneqaqqissasut, KNR-imi aallakaatitassanik isumaginnittut oqaatigaat.
Allattoq Najaaraq Egede
maajip 10-at 2011 14:01

’Politistationen’ tassaavoq Danmarkimi politiit sulinerannik TV3+-mit nangeqattaartuliaq. ’Politistationen’-imik aallakaatitassiortartut Nuummiissimapput politiillu illoqarfimmi sulinerat malinnaaffigalugu.

Tallimanngornermi unnuaavoq, Brian-illu inuit illoqarfiup pingaarnersaanniittut illoqarfiliaasimasut eqqissitinneq ajulerpai. Pingaartumik illoqarfiup inuusuttai Brianip suleqataasalu ajornartorsiutigaat. Olava Michaelilu illumut eqqissiviilliorfiusumukarput angutillu peqqarniiserluni arnaq toqqusassigaa Olavap peertinniartariaqarlugu. Politiit sineriammut kusanartumut angalasariaqarput nunaqarfimmilu suliassatik suliaralugit.
Politistationen immikkoortut aappaat sisamanngornermi maajip aqqaneq-aappaanni nal. 22.00 KNR-ikkut isiginnaaruk.          

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq