Nuummi politiit sapaatip akunnerata naanerani ulapaarsimapput
Nuummi politiit sapaatip akunnerata naanerani pinartunik perulluliortoqarsimannginnerarpaat. Taamaattorli pinerlunnerit 32-t imigassartorsimanermik aallaaveqartut suliarisariaqarsimavaat, angerlarsimaffinnilu perulluliortut qulit eqqissisariartortariaqarsimallugit.
Angut 50-inik ukiulik sissiukkap avataani imigassartorsimalluni angallammik umiatsiaq tallimanngormat apormagu politiit tigusaraat.
Angutip akiliisinneqarnissani naatsorsuutigissavaa.
Meeqqat, ataatsimik sisamanillu ukiullit, kisimiisillugit qimanneqarsimasut politiinut arfininngormat saaffiginnissutigineqarmata, meeqqap aappaa aanakkuminut inissinneqarpoq aappaalu allamut, inunnik isumaginnittoqarfimmiit innersuussutigineqartumut, inissinneqarluni.