Nuummi politiit ikiorneqalerput
Eqqumiiginartumik toqusimasut marluk pillugit misissuinermi Nuummi politiit maanna ikiorneqartussanngorput, naalagaaffiup politiivisa pinerluttulerinermik immikkoortortaqarfianneersut pingasut aqagu tikissammata.
Nuummi Nuussuarmi inissiat marluk misissorneqartussaapput, sapaatip-akunnerata ataatsip ingerlanerani arnat toqungasut marluk nassaarineqarmata. Arnaq 58-inik ukiulik toqungasoq marlunngormat nassaarineqarpoq, ippassarlu arnaq 40-t sinnerlugit ukiulik inissiami allami nassaarineqarluni.
Nakorsap toqusunik misissuisartup arnaq 58-inik ukiulik misissoreerpaa, toqungasullu aappaa misissorneqassaaq.
Naak toqungasut marluk pillugit politiit maanna misissuisussanngoraluartut, toqusut taakku marluk imminut attuumassuteqarnissaat nunatta vicepolitimesteriata Bjørn Bayip ilimaginngilaa.
Arnaq 58-inik pillugu misissuinermi politiit tigusarisaqarsimapput. Angut ataaseq nunatta eqqartuussisuuneqarfianit sapaatip-akunnerini sisamani tigummigallagassanngortinneqarsimavoq.
