Nuummi oqallitsitsiniarpoq

Inuiaqatigiinni inissisimaneq atornerlullugu aningaasatigut imminut iluaqusersorniartarnermik akiuiniaqatigiit kattuffissuata, Transparency International-ip Danmarkimi immikkoortortaqarfia, Nuummi oqallitsitsinissamik pilersaaruteqarpoq.
Allattoq Jokum Nielsen
apriilip 24-at 2008 05:44

Oqallinneq peqataaffigineqarluartoq Københavnimi Kalaallit Illuutaanni ippassaq unnukkut pisoq assigalugu oqallitsitsisoqassaaq.

- Maannamut pilersaarpugut majip 21-ianni Nuummi oqallitsitsiniarluta, Jeppe Kromann Haarsted kattuffiup Danmarkimi immikkoortortaqarfianeersoq oqarpoq, nangillunilu kattuffimmiit pilersaarutaasoq Kalaallit Nunaanni atorfik imaluunnit iunuiaqatigiinni inissisimaneq tunngavigalugu aningaasatigut allatigullu imminut iluaqusersorneq atuunnersoq misissorniarlugu.

- Tamannali qanorpiaq suliarineqassanersoq suli ersarissarneqanngilaq kiisalu aningaasartuutissat suli aaqqinneqanngillat, Jeppe Kromann Haarsted unnerpoq.

Aningaasatigut peqquserlulluni imminut iluaqusersorniartarneq akiorniarlugu nunarsuarmi kattuffik ukiut 15-it matuma siorna pilersinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq