Nuummi nakorsiartarfimmi utaqqinissat pisariaarutissaaq
Periaaseq nutaaq najoqqutaralugu nakorsiartarfimmut ulaakkut takkunnissat pisariaarutissaaq. Tamatumunnga taarsiullugu nakorsaq sianerfigiinnarsinnaavat, oqarasuaammut 34 44 54-imut ullaakkut nalunaaqutaq arfineq-pingasut qulit qeqqatalu akornanni. Taamaalillutit nakorsap immaqa ingerlaannarluni ikiorsersinnaassavaatit imaluunniit nakorsiarnissannut piffissamik tunineqassaatit. Nakorsiartinnak pisariaqartinneqartunik misissorneqarlutillu misileraaffigineqassaatit. Taamaattumillu nakorsiartarfimmut uteqattaarnissat pisariaqassanani.
Taamatut nutaamik aaqqissuussineq innuttaasunut iluaqutaaginnarani inuiaqatigiinnut aamma iluaqutaassaaq. Tassami ullut tamaasa Nuummiut 100-t missaanniittut nakorsamut isernissartik nakorsiartarfimmi utaqqisarpaat. Taakkua ilarpassui utaqqerusaaginnaratik suliffimminni sulisinnaagaluarput. Siunissami sullivimminnit nakorsamut sianersinnaalissapput, tamannalu inuiaqatigiinnut iluaqutaassaaq.