Nuummi mittarfik ullaap tungaa aseersorneqartariaqarsimasoq
Sisamanngornerup ullaatungaa kufferti ulorianartoqarsinnaasutut pasinartinneqartoq pissutigalugu Nuummi mittarfimmi assersuisoqarpoq.
Allattoq Aaqqissuisoqarfik / Redaktionen
februaarip 08-at 2018 13:07
Mittarfeqarfiit Nuummi Mittarfimmi sulisui sisamanngorneq nal. 10.10 kufferti pasinartoqarsorineqartoq ilisarnaatitaqanngittoq nassaarivaat. Mittarfeqarfiit tusagassiuutinut taam nalunaaruteqarput.
Sillimaniarnermi malittarisassat malillugit mittarfiup ilaa assersorneqarpoq politiillu aggersarneqarlutik. Politiit kuffertimi allanut timmisatornermullu ulorianartunik nassaanngillat.
Tamassuma kingorna assersuisoqarneq unitsinneqarpoq naliginnaasumillu timmisartuussineq ingerlateqqinneqalerluni.
- Ajuusaarnarpoq Nuummi mittarfiup ilaa matusariaqarsimagatsigut, taamaattoq ilaasunut sillimaniarneq uatsinnut pingaarnersaajuaannarmat mittarfimmik matusisimaneq politiinillu aggersaasimaneq eqqortuuvoq, ingerlatsinermi pisortaq Niels Grosen oqarpoq.
