Nuummi misissuivik ammanerusalerpoq: Nalunaaqutaq 8.30-imit misissortittoqarsinnaavoq
Nuummi misissuisarfik nutaanik ammasarfeqalerpoq.
Ullumikkumiit tallimanngorneq ilanngullugu nalunaaqutaq 8.30-miit 16.00-mut ammassaaq.
Siuliani nalunaaqutaq 12:30-miit 15:00-imut ammasaraluarpoq.
Inuit ersiuteqartut, tunillatsissimasunut qanillisimasut allatulluunniit tunillatsissimasorisut kaammattorneqarput misissorteqqullugit.
AAMMA ATUARUK Covid-19 pillugu ataatsimut tusagassiortunik katersortitsisoqassaaq
Kommuneqarfik Sermersooq Facebookikkut taama nalunaarpoq.
Ammasarfiit nutaat:
-Pingasunngorneq juulip 21-ani nal. 8.30 – 16.00
-Sisamanngorneq juulip 22-ani nal. 8.30 – 16.00
-Tallimanngorneq juulip 23-ani nal.8.30 – 16.00
-Arfininngorneq juulip 24-ani nal. 8.30 – 14.00
Coronavirusimik tunillatsissimasut nunatsinni aatsaat taama amerlatigipput. Namminersorlutik Oqartussallu tunillatsissimasunik sapaatit akunnerata siuliata naanerani, Nuummi inuit sumiiffinni aalajangersimasuniissimasut, misissortikkiartornissaannik kaammattuipput.
Pingaartumilli akiuussuserneqarsimanngitsut misissortikkiartornissaat kaammattuutigineqarpoq, taakkualu salliullutik misissortikkiartussasut, Kommuneqarfik Sermersuumi ataatsimoorussanut sullissivimmi pisortaq nassuiaavoq.
AAMMA ATUARUK Nuummi marloriaammik sukkatigisumik misissuisoqarsinnaalertoq
Nuummi aqqaneq marluk tunillanneqarsimasut
Nuummi inuit marluk COVID-19-imik tunillatsissimasut ippassaq marlunngornemi paasineqarpoq. Nuummilu tuniluuffiit assigiinngitsut sisamaasut ilisimaneqarpoq.
Nunatta Nakorsaaneqarfia tusagassiuutinut taama nalunaaruteqarpoq.
- Tunillatsissimasut immikkut tunilluuffiusuneerput. Siulleq tunillaassuunnerit ilisimaneqareersunit pivoq, aappaali sumit tunillanneqarsimanersoq ilisimaneqanngilaq.
Coronavirusimik tunillatsissimasut nunatsinniittut massakkut 30-iupput.