Nuummi meeqqerivimmiut atlantikup avannaani meerarsiutinik suliniummut peqataasut
Nuummi meeqqerivik Mikisoq atlantikup avannaani meerarsiutinik suliniummut kalaallit meerarsiutaannik ilisarisimaneqarluartunik immiussilluni peqataavoq.
Allattoq Simon Uldum -
decembarip 01-at 2014 11:53
Savalimmiormiut Susanna Thomsen aamma Margreth Jacobsen suliniummik "Børnini syngja"-mik, ingerlatsisuupput, meerarsiutinillu ilisarisimaneqarluartunik taakku katersisimapput, Savalimmiuni 44-nik, Islandimi pingasunik Nunatsinniillu pingasunik.
Meerarsiutinik katersaat atuakkatut, cd-tut dvd-tullu saqqummersinneqarput, katersanullu aamma ilaapput Savalimmiut, Island Kalaallit Nunaallu pillugit paasissutissat, soorlu nunami qaqqat portunersaat sorliua il.il., Susanna Thomsen aamma Margreth Jacobsen KNR-imut oqaluttuarput.
DVD-mut immiussinermut atatillugu Savalimmiuni meeqqerivinni qulini Islandimilu meeqqerivimmi ataatsimi immiussisoqarsimavoq, Nuummilu meeqqerivik Mikisoq suleqatigalugu kalaallit meerarsiutaannik ilisarisimaneqarluartunik pingasunik aamma immissititsisimapput, tassalu Aapakaaq, Kulloq Illit aamma Piitaq uumaa.
Suliniuteqartut nittartagaanni paasisaqarnerugit, uani.
