Nuummi Kofoeds Skole pisortatigoortumik ullumi ammaanersiorneqassaaq

Kofoeds Skole Nuummi ullumi sisamanngornermi pisortatigoortumik ammaanersiorneqassaaq. Oqalugiartoqassaaq, nipilersortoqarluni nerisassanillu sassaallertoqarluni.

Allattoq Inge S. Rasmussen

juunip 16-at 2016 05:44

Nutserisoq Simon Uldum -

Nuummi angerlarsimaffeqanngitsut suliffissaaleqisullu ornittagaqalissapput, tassanilu sammisassaqartinneqassapput inuunerminnilu ingerlariaqqinnissaminnut ikiorneqarsinnaassallutik.

Kofoeds Skole Danmarkimi Københavnimi, Aarhusimi Aalborgimilu immikkoortortaqarfeqarpoq. Atuarfik ukiuni kingullerni 20-ni Europap qeqqani kangianilu illoqarfinni arfineq-pingasuni atuarfinnik taama ittunik 20-nit amerlanerusunik pilersitseqataasimavoq.

Aamma atuaruk VIDEO Kofoeds Skole Nuummi ammaassaaq

- Atuarfiup pilersinneqarneratigut ilisimasavut misilittakkavullu atorlugit ikuisinnaassalluta neriuutigaarput, taamaaliornikkullu Kalaallit Nunaanni innuttaasunik ikiortarialinnik ikiuisussamik Kofoeds Skolemik ineriartortitseqataalluni, Danmarkimi Kofoeds Skolep pisortaa, Robert Olsen, tusagassiorfinnut nalunaaruteqarluni taama allappoq.

Nunatsinni Kofoeds Skolemik pilersitsineq aningaasaateqarfinnit arlalinnit aningaasalersorneqarpoq. Tassaapput OAK Foundation Danmark, Villumip Aningaasaateqarfia aamma A.P. Møllerip nuliatalu Chastines Mc-Kinney Møllerip Aningaasaateqarfiat. Atuarfik ukiuni siullerni pingasuni sullissivittut imminut pigisutut pilersikkiartuaarneqassaaq, pisortanit ingerlatsineq pillugu isumaqatigiissuteqarluni ingerlanneqassalluni.