2006-p ingerlanerani Nuuk pisarnermit kiannerusimavoq.
Kiassiut ukiumoortumut naatsorsuisartoq minus 0,2 grade-usimavoq, tassa nalinginnaasumiit 1,2 gradenik kiannerusimalluni.
Jannuaari Novembarilu kisimik nillernerulaarsimapput. Taamatuttaaq ukioq manna nittaalanerullunilu siallernerusimavoq, apriilillu qaammataani nittaanngikkaangami siallernerpaasimasoq, silasiorfiup DMI-p nalunaarutigaa.
Nunarsuaq tamakkerlugu kiassiuisartut naapertorlugit, 1850-imili nunarsuaq tamakkerlugu kiassiuisoqartarnera aallartimmalli ukioq 2006 kiannerpaat arfinilerigaat oqaatigineqarpoq.
2000-kkut aallartinneranniit nunarsuaq tamakkerluni kiatsikkiartornera 0,7 grade-nik qaffassimavoq. Qaffakkiartorneq 1976-miit malunnarsigaluttuinnarsimavoq, ukiut qulit ingerlaneranni 0,18 gradenik kiatsinnerusarsimalluni.