Nuummi kajaavanik amernik tillinniat marluk tigusaasut
Sermersuumi politiit ilisimatitsipput pisiniarfimmut Tupilammut kavaajanik amernik arlalissuarnik tillinniartoqarneranik politiit misissuinerat pasineqartunik arlalinnik tigusaasoqarneranik aammalu tillitat nassaarineqarnerinik kinguneqartoq.
- Naliliinerit tigussaasut tunngavigalugit pasineqartut marluk tallimanngormat tigusarineqarput eqqartuussivimmullu sassartinneqareernermik kingorna paasiniaanerup ingerlanneqarnerani ulluni 28-ni tigummineqarallartussanngortinneqarlutik, politiit taama allapput.
AAMMA ATUARUK Nuummi politiit unnuaq tillinniartoqarneranik takunnissimasinnaasunik ujarlertut
Tupilammut tillinniartoqarnerani kajaavat ammit, taskit, aaqqatit, aningaasiviit Great Greenlandimeersut saanermillu sanaalukkat assigiinngitsunik ilusillit tillinneqarsimapput.
