Nuummi politiit unnuaq tillinniartoqarneranik takunnissimasinnaasunik ujarlertut
Nuup illoqarfiata qiterpasissuani pisiniarfimmut Tupilammut unnuaq tillinniartoqarneranik takunnissimasinnaasunik Sermersuumi politiit ujarlerput.
![](/sites/default/files/styles/image_934x467/public/article_images/tupilak.png?itok=WOwbzXo5)
Allattoq Simon Uldum -
Sermersuumi politiit Nuummi unnuaq arlaleriarluni tillinniartoqarsimaneranik misissuinerminnut atatillugu tillinniarsimasunik imaluunniit tillitanik ilisimasaqarsinnaasunik ujarlerput.
Tupilammut tillinniartoqarnerani kajaavat ammit, taskit, aaqqatit, aningaasiviit Great Greenlandimeersut saanermillu sanaalukkat assigiinngitsunik ilusillit tillinneqarsimapput.
Politiit aamma innuttaasut tillitanik pisisoorsinnaanerannik mianersoqquaat, tillitanillu tuniniaaffigitissimasunit imaluunniit tillitanik tuniniaasoqarneranik pasitsaassaqartunit attavigineqarnissartik kissaatigalugu.
Takunnissimasinnaasut Nuummi Politiinut saaffiginnissinnaapput oqarasuaammut 70 14 48-mut sianerlutik.