Nuummi innaallagiamik pilersuineq tamaviaarpoq
- Siullermik Qinngorpumi sakkortusaaviup artorsarnera peqqutaavoq, tassami aatsaat taama artorsartingimmat. Atortut nutaat aamma pisooqataapput, tassa sakkortusaaviup ledninnginik nutaanik illersuutilersornerani ledningit kukkusumik ikkussorneqarsimasut paasineqarmat. Taamatut pisoqaqqinnginnissaa sulissutigivarput, Nukissiorfimmi ingerlatsinermi aqutsisoq Philip Sivertsen oqarpoq.
Ajornartorsiut aaqqinniarlungu Danmarkimi ingeniørit suliffeqarfii marluk Nukissiorfimmit ikiortiserineqarput.
- Suleqatigiilluta ajornartorsiut aaqqinniarsarivarput. Atortut kukkullutik ikkussorneqarnikut ajunngitsumik ikkussirnneqaqqissapput, 100 procentimik ingerlalerniassammata, Philip Sivertsen oqarpoq.
Ullut qulit ingerlanerini innaallagissamik qamittooqattaarnerit tamarmik assigiinngitsunik peqquteqarput.
Paasissutissat qamittoornernut tunngasut Nukissiorfiup nittartagaanni pissarsiarineqarsinnaapput: www.nukissiorfiit.gl