Nuummi inissiap ingutsernerani PCB-eqartoq paasineqarpoq
Avatangiisinut navianartoq PCB, pissusissamisuunngitsumik hormoneqalersitsisinnaallunilu kræfteqalersitsisinnaasoq, pingaartumik blokip inissialiap saqqaani qalipaammi nassaarineqarsimavoq, blok Q-llu betonitaani aamma nassaarineqarsimalluni. Tina Kreutzmann Petersen, Namminersornerullutik Oqartussani avatangiisinut pinngortitamullu aqutsisoqarfimmi fuldmægtigi taama paasissutissiivoq.
Avatangiisinut ingeniørip Norgimeersup, Nuummut tikeraarnermini nammineerluni misissugassanik tigusisimavoq Namminersornerullutillu Oqartussanut nassiullugit:
– Maanna tamanna paasisimavarput taavalu aaqqiissutissarsiutissavarput, Tina Kreutzmann Petersen oqarpoq. Iliuuseqarnissamut pilersaarutit Kommuneqarfik Sermersuumi teknikimut immikkoortortaqarfimmit suliarineqasssapput, peqqissutsimullu nakkutilliisoqarfik peqataassalluni.
