Nuummi Inissialiortitsinerunissaq anguniarlugu atsioqatigiittoqarpoq

Inissianik siunissami sanaartornissaq pillugu isumaqatigiissut, Ineqarnermut, Attaveqarnermut Angallannermullu naalakkersuisup, Jens B. Frederiksenip, aamma Kommuneqarfik Sermersuumi borgmesterip, Asii Chemnitz Narupip, maanna atsiorpaat, soorlu suleqatigiinnissamik isumaqatigiissuteqarnissaq siusinnerusukkut ilimasaarutaareersoq.

Nuummi inissaaleqinerujussuaq annikillisarniarlugu inissialiortiternissap aaqqissuussaanerata aningaasalersorneqarnissaatalu ataavartumik aqqutissiuuttuarnissaa, Kommunip aamma Namminersorlutik Oqartussat isumaqatigiissutaata qulakkeerniassavaa.

Suleqatigiinnertaaq inissialiortiternermi piorsaanermik, inissiaqarfinnik, taakkulu saniatigut inissialiortiteriaatsip iluani piorsaallunilu ilisimatusarnermik, aamma inissialiat qanoq ittuunissaat, kiisalu nukissiuutinik atorluaalluni sanaartornermik isumaqatigissut imaqarpoq.

Kommuneqarfik Sermersooq aamma Namminersorlutik Oqartussat inissialiortiternissaq pillugu suliat aalajangersimasut pillugit tamanut ataavartumik ilisimatitsisassasut aamma isumaqatigiissutigineqarpoq.