Nuummi Ilulissanilu Julecup

Assammik arsartartut juullikkunni nerilluarsimanertik unammisaqattaarlutik katanniarsaraat. Assit angusallu takukkit.
Allattoq Noah Mølgaard
decembarip 31-at 2011 08:21

Julecup-eqartarnera Nuummi ileqquulersoq ukiut tamaasa uteqqiattunngorpoq, ileqqorlu taanna Ilulissani aamma atugaalerpoq tassanilu assut isiginnaariaqarluartarsimavoq.

Nuummi Julecup-imi GSS tamaginni ajugaasuuvoq ukiormanna arnat angutillu finalerneranni GSS aamma NÛK unammimmata. Unammersuaqataasut pingajoqaat ilinniartut Danmarkimi najugallit.

Arnat finalerneranni GSS 29-25-mik ajugaavoq muminnermi 17-16-mik siuaqqareerluni.

Angutit finalerneranni GSS NÛK-mut ajugaavoq 28-19-mik muminnermi 16-11-mik siuaqqareerluni. Unammeqataasut pingajoraat ilinniartut Danmarkimi najugallit. Nuummi Julecup-imi ukiormanna tikeraat ilaatigut tassaapput Mia Egede Rasmussen aamma Jens Frederik Nielsen.

Ilulissat
Ilulissani arnat angutillu unammineranni aamma Byholdinik taaneqartut peqataapput tassaasut ilinniartut Danmarkimi sineriammilu illoqarfinni allani najugaqartut.

Arnat finalernerat pissanganavippoq Byholdit ilaatigut Geerdaaraq Ingemann-mik Aviâja Geislerimillu arsartoqartut aamma Nagdlúnguak unammimmata. Minutsi ataaseq taamaallaat amigaataasoq tamarmik 28-raaqqapput, sekundillu quliinnanngortut 16-nik ukiulik Navarana Davidsen isertitsimmat byholdit ajugaapput. Arnani I-69 normu 3-nngorpoq.

Angutit finalerneranni Nagdlúnguak hold 1 aamma hold 2 unammipput tassanilu hold 1 ajugaavoq 36-33-mik. Byholdit normu 3-nngorput.

Aajuku angusat:
GSS-NÛK 29-25 (17-16) (arnat)
GSS-NÛK 28-19 (16-11) (angutit)

Nagdlúnguak – Byholdet 29-28 (13-11) (arnat)
Nagdlúnguak 1 – Nagdlúnguak 2 36-33 (20-9) (angutit)