Nuummi iliveqarfik ulikkaalerpoq
Nuummi iliveqarfik ukiut arfinillit qaangiuppata ulikkaarsimassaaq, Atuagagdliutini ullumi saqqummersuni taama allaaserinnittoqarpoq.
Allattoq Louise M. Kleemann
Tamatumunnga pissutaatinneqarpoq Nuummut nuuttartut amerligaluttuinnarmata ukiumullu toqusartut hunnoruut missaaniittarmata, Domprovst Emma Balslev taamatut issuarneqarpoq.
Maannakkut iliveqarfimmi inissat 600-t missaanniipput, ukiullu arfinillit arfineq-marlulluunniit qaangiuppata iliveqarfik ulikkaassaaq, nutaamillu iliveqarfimmik nassaartoqartariaqassasoq, Atuagagdliutini ullumi saqqummersuni taama allaaserinnittoqarpoq.