Nuummi filmeriartoqarluarpoq
Ualimut alakkaakkatta meeqqanut klassit 5-aniit 7-annut naleqquttoq tyskit filmiliaat takutikkaat iserpugut. "Die Perlmutterfarbe" tuluttut allagartalersugaavoq, kalaallisullu nipitalersorneqarsimalluni.
Isiginnaariat assigiinngitsumik misigisaqarunarput. Ilaat kalaallisut paasilluarsinnaanngitsut immaqalu tuluttut suli atuarsinnaalersimanngitsut eqqissillutik isiginnaaratik anisaqattaarput.
Taamaakkaluartoq ulloq naallugu filmit amerlasoorpassuit takutinneqartut isiginnaariarneqarluartut, Katuami sulisut oqaatigaat.
Filmit Hollandimeersut, Indiameersut, Danmarkimeersut, Tysklandimeersut, Estlandimeersut, Sverigemeersut, Canadameersut kiisalu Letlandimeersut katillugit filmeeqqat filmillu sivisunerumaat qulit missaanniittut takutinneqarput.
Filmeriartartut filmertarfinni takuneq ajugaannik ulluni pingasuni filmertitsinissaq siunertarineqarpoq.
Filmertitsisaqattaarnermik aaqqissuussineq ukiormanna illoqarfinni 14-ini pisussaavoq, maani nunatsinni Nuummi pivoq.
