Nuummi ernisorpassuit
Dronning Ingridip Napparsimmavissuani ernisusissiortut ukioq manna maajip ingerlanerani ulapissimaqaat. AG-mi ullumi saqqummersumi taama ilaatigut allaaserisaqartoqarpoq.
Allattoq Karsten Sommer
juunip 10-at 2015 07:10
Nutserisoq Mads Lynge
Meeqqammi 63-it maajip ingerlanerani inunngorsimapput, siornamut naleqqiullugu 65 procentinik amerlanerullutik. Tassami siorna maajimi inunngortut 38-upput, ukioq mannalu tassa 63-iusimallutik. Ernisussiortoq Lene Ehlers AG-mut taama oqaluttuarpoq.
Pingaartumik maajip qiteqqunnerata nalaani inunngortorpassuusimapput, tassami piffissap taamaalinerani ullormut pingasut-sisamat inunngortarsimallutik.