Nuummi eqimattat tillinniartut – Politiit suliamik suli misissuisut
Nuummi poorskip aappaanut unnuami tillinniartoqarpoq. Pinerluuteqartut nakkutilliissutikkut takuneqarsinnaapput, politiilli suli pasisaqaratik.
Allattoq Markus Valentin
apriilip 21-at 2025 12:00
Nuummi taartumi tillinniartoqarpoq.
Kalaallit Nunaanni Politiit pigaartuisa pisortaat, Carl Sværd paasissutissiivoq.
Industrivejimi suliffeqarfiit ilaannut tillinniartoqarsimasoq nalunaarutigineqarpoq.
Igalaaq aserorneqartoq
Sumiiffimmi nakkutilliinermi assiliissutit inuit tallimat pinerluuteqaqatigiittut takutikkaat, pigaartut pisortaata oqaatigaa.
- Inuit tallimaasut nakkutilliissummi takusinnaavarput, Carl Sværd oqarpoq.
Pasineqartut tallimat sumiiffimmi igalaamik aseruillutik isersimapput.
Sumik tillittoqarsimanera suli ilisimaneqanngilaq.
Pisumi suli unnerluutiginnittoqanngitsoq Carl Sværdip oqaatigaa, politiilli suliamik suli misissuileruttorput.
