Nuummi biilit pingasut aallarunneqarput
Nuup illoqarfiata ilaani nuussuarmi biili qullilerfimmut arfininngormat unnukkut aporpoq. Angut 23-nik ukiulik aquttoq politiinit nassaarineqarluni tigusarineqarpoq. Angut aalakoortilluni biilerluni aporpoq, angallannermilu malittarisassat unioqqutillugit. Aalakoorlunilu biilernini pillugu kingusinnerusukkut unnerluunneqarumaartoq Politiit nalunaarutigaat.
Allattoq Oline I. Olsen
septembarip 07-at 2009 10:28
Nuussuarmi Nuup illoqarfiata ilaani angallannermi ajutoorneq alla sapaatiummat ullaakkut nalunaarutigineqarpoq. Biili quimut aportinneqarsimavoq, sequminnernik kinguneqartunik. Inuusuttuaqqat biilip eqqaaniit qimaasut takuneqarsimapput, tassungali tunngasumik politiit suli tigusaqanngillat, misissueqqissaarnerli suli ingerlanneqarpoq. Sapaatip akunnerata naanerani biilit pingasut tillinneqarsimapput, imerniartarfiillu eqqaani kiisalu aqquusinerni perulluliornerpassuit politiinit nalunaarutigineqarput.
