Nuummi biilinik innarliisartut amerliartorput
Sapaatip akunneri tamaasa biilit unittarfianni uninnerliortut biilinik allanik innarliisartut, Nuummi Politeeqarfiup nalunaarutigaa. Aamma biilinik innarliisut, politiinut biilillu innarlikkanik piginnittaannut nalunaaruteqassanatik. Tamanna unioqqutitsinerusoq politiinspektørip tullia Bent Heiselbergimit oqaatigineqarpoq.
januaarip 21-at 2008 11:23
Biilinik innarliigaanni, innarliisoq pisussaaffeqarpoq, politiinut biilillu ikkami piginnittaanut nalunaaruteqassalluni. Inuk biilinik innarliisoq, nalunaaruteqanngikkuni angallanneq pillugu inatsimmik paragraf 24-mik immikkoortoq 1-imik unioqqutitsissaaq.
Ilanngullugu politiinspektørip tullia Bent Heiselberg nalunaaruteqarpoq, unnuk kulturisorfik arfininngormat ingerlanneqarmat, Nuummi innuttaasut 1800-t missaanniittut Politeeqarfik, politeeqarfiullu isertitsisarfii takornariaraat.
Nuummi pinerluuteqarsimasunut inissiisarfik ikioqatigalugu, pinerluuteqarsimasut politeeqarfiup isertitsisarfiiniit, pinerluuteqarsimasunut inissiisarfinnut inissinneqarallarsimapput, inuit politeeqarfimmut takornariarsinnaaniassammata.
