Nuummi aqqusinikkut angallanneq aaqqiiffiginiarneqarpoq
Taamaammat ullaaq manna ataasinngorneq marsip 30-at aallarnerfigalugu sullorsuakkoorneq illuinnaanut ammassaaq, biilertut avannamukartut - tassa Nuussuarmit Nuummukartut kisimik putorsuakkoorsinnaassammata.
Misiligummik ullaakkut angallannerpaaffimmi qorsunngoqqinnissaanut utaqqinani putorsuakkoortitsisarneq qaammammik ataatsimik sivisussuseqassaaq.
Nuussuarmit Nuummukarneq nalinginnaasumik minutsinik tallimaannarnik sivisussuseqarsinnaasartoq ullaakkut arfineq-pingasunut angallannerpaaffimmi minnerpaamik marloriaataanik pingasoriaataanilluunniit sivisussuseqalertarpoq, biilit siuleriiaartorsuanngortarmata.
Iggiaaninngaanniinnaq ingerlaarfigineqartarnissaa piffissami taaneqartumi ataavartuussaaq. Nalunaaqutaq 07.30-miit 08.15-ip tungaanut Issortarfimmut eqqaani kaajallattarissamiit 400-vejikkut angallanneq aamma matuneqarallartassasoq, Nuummi Politiit ilanngullugu nalunaarutigaat.
