Nuummi aqqusinerni politiit amerlineqarput
Perulluliornerit qunusaarinerillu Nuummi politiinut ajornartorsiutaaginnalermata sapaatip akunnerata naanerini aqqusinerni politiit amerlineqarput.
juunip 22-at 2010 04:38
'Innuttaasut politiinut soqutigittaannerat akiorniarlugu' taama oqaasertalerlugu, politikommissærip Niels Nyvangip sapaatip akunnerisa naaneranni Nuummi aqqusinerni unnuami pingaatussanik politiinik amerliliivoq.
Politiit innuttanit qunusaarneqartarnertsik killeqartariaqarsorilerpaat.
- Politiit sulinerisa nalaani, politiinut qunusaarinerit, oqaasipilunnerit allallu politiit sulineranut akornutaasinnaasut maanna akuersaarunnaarpagut, Niels Nyvang naqissusiivoq, nangillunilu:
- Allanik ajoqusersortinnerup nassatarisarpaa sullinniakkatsinnut, tassalu inuiaqatigiinnut, sullissineq pitsaanngitsoq.
Politiit sulinerannut ajoqusersuineq pillarneqaataasinnaavoq eqqartuussaanermillu kinguneqarluni.
